Aua! Bis du deppad, so was hab i ja no nie g‘sehen. A Pool mit ner Wasserrutschn, wo a Pferd mit nem türkiesn Dreiradl über‘d Wasseroberflächn foahrt. Was für a saubadl lässt a packerl Nadln auf’m Bodn verstreut liegn. I man Mista Herman da drübn hat den Spaß seines…Lebns? Naja. Lebend würd i des jetzta ned bezeichnen. Tot is a aba ah ned. I tappsl vorsichtig üba die Nadln. Die n Bodn imma mehr bedeckn. Der Raum zieht si je näha i in d’n Raum eindring. 

Langsam, aba im Tackt zum Punk-Schlaga, der vom Pool bodn kummt, dreht si Mista Herman mehr in mei Richtung. Da d‘letzte chance, ned zerpiexelt z’werdn, die is ins Wassa z’springan, tua i g’nau des. Doch des G’heimnis enthüllt si bald. Meine Flossn formn si. Des Pferd staunt und wirkt faszinierta als’d letzte Pfau nachdem des gestrige Auto vertikal am Balkon des viertn Stocks landete. Tadaa! A Nixn mit triefnd nassm Haar. Die Musi dröhlt in manen Ohrn. Nervig is des, äusast Nervig! Es blinkt im dunkln. Nah! Des hat i scho. Finsta is es. Des bin i ned g’wohnt. Es ruft mi. Wenn zwar auf a söltsame oart, aba’s schreit nach mir. Bittalichst wag i mi tiefa abz’tauchn. Nur d’für des desgschrei klara wird. „Hallo?“ Wow. Sowas hät i jetzta wirkli ned awartet. Es dröhnt und z’schallat mir mei G’hör. Doch es wird ruhiga. Zu ruhig. Je näha i zum Licht kum, desto hella wird’s. Und…“woup!“ Durch. Mit’n durch. Naja. Oda ah ned. Denn des is scho wieda so a Raum. Diesa is aba andas als die andern. Der wirkt so…Naja…Simpl? Oda ah ned? A Weide im Topf und a relativ neue Küchn. I renn rüba und such nach Essn. Ok ja. I hat scho lang nix g’scheits mehr zum essn. Z’mindest fühlt es si so an. Von Raum z‘ Raum in am Fiebatraum ka scho annstrang‘nd san. Eigntli wollt i die neuen Räume gar ned betretn. Aba i war halt ned vorsichtig g‘nu. Also da wär ja was gua’ts zum Essn. „Hallo!“ Oh? Scho wieda. Es hallat und wird lauta. Mei sicht wird schlechter. Etwa so als ob mir wer eine Watschn g’gebn hätt. Blitzlichta üba’all. AHH! I bin draußn! Nach i was ned wie lang. A B’kanntes G‘sicht weckt mi. I bin Patschnass. Im Bad!